Ушануем памяць герояў
Па традыцыі ўшанаванне памяці герояў, загінуўшых у гады Вялікай Айчыннай вайны, прайшло ў нашай школе 8 мая. Але ў гэтым годе традыцыя мела свае асаблівасці.
Сёння быў вельмі насычаны дзень. Вучні школы ўдзельнічалі ў трох мітынгах, якія прайшлі па месцы жыхарства дзяцей: аг.Гасцілавічы, в.Швабы, в.Юркавічы. Кожны вучань меў магчымасць ушанаваць памяць сваіх землякоў, якія загінулі, абараняючы родны кут. Пасля мітынга ў СЦКД аг.Гасцілавічы прайшоў святочны канцэрт, які падрыхтавалі сумесна вучні школы разам з педагогам-арганізатарам Кацярынай Мікалаеўнай Замбрыцкай і калектыў СЦКД аг.Гасцілавічы. А напрыканцы вучні адрасавалі свае віншаванні з надыходзячым святам жыхарцы аг.Гасцілавічы, якая была дзіцем у гады Вялікай Айчыннай вайны, Ліме Міхайлаўне.
